सुप्रसिद्ध छत्तीसगढ़िया कथावाचक पंडित युवराज पांडे को पुलिस सुरक्षा प्रदान करने छत्तीसगढ़िया क्रान्ति सेना ने पुलिस महानिरीक्षक से माँग किया है ।
छत्तीसगढ़ के सुप्रसिद्ध कथावाचक, अमलीपदर जिला-गरियाबंद निवासी आचार्य पंडित युवराज पांडे जी के ऊपर अब तक 7 बार हमला दुर्घटना हो चुका हे . बीते माहिना गरियाबंद के पास उकर गाड़ी ला सडक मा दूसर गाड़ी ह छतिग्रस्त करे रहिस जेकर ले उकर जान हा बाल बाल बचीस गरियाबंद थाना म ये घटना के रिपोर्ट दर्ज तको होय रहिस । ओकर कुछ दिन बाद रायपुर के निकट उकर शिवपुराण कथा के विशाल आयोजन करेगे रहिस , जेमा अपार लोग मन शामिल रहींन । लेकिन शुरुआत मा पुलिस सुरक्षा के कोई इंतजाम नही रहिस , बाद म माग करे के बाद पुलिस बल तैनात करे गिस ।
आचार्य पं. युवराज पांडे जी हा अपन धार्मिक कथा के माध्यम ले सनातन धर्म, संस्कृति अऊ परम्पर ला आगे बढाये अऊ , संरक्षित करने के साथ छत्तीसगढ़ राज्य के राजभाषा छत्तीसगढी, लोक कला, संस्कृति, परम्परा के , मान्यता ला आगे लाने, के बूता करता हे । जेकर ले पुरा देश के साथ ही विश्व म छत्तीसगढ राज्य के संस्कृति ला पहचान व प्रसिद्धी मिलत हवे । राज भाषा छत्तीसगढी मा उकर योगदान अऊ समर्पण विशेष रुप ले उल्लेखनीय हावे ।
आचार्य पं. युवराज पांडे जी हा हमर राज्य छत्तीसगढ के धरोहर हरे । उकर लाखो चाहने वाला लोगन मन के साथ हमर संगठन ला भी उकर सुरक्षा ला लेके चिंता हे । हाल के घटना ला लेके ये चिंता हा अऊ बढा गे हवे ।
जेल लेके आज 6 फरवरी 2026 , आचार्य पं. युवराज पांडे जी ल व्यक्तिगत अउ कथा कार्यक्रम म पर्याप्त सुरक्षा व्यवस्था दे खातिर पुलिस महानिरीक्षक रायपुर रेंज ल ज्ञापन सोपे हवे । ये बेरा म छत्तीसगढिया क्रान्ति सेना के संरक्षक श्री ललित बघेल, महामंत्री यशवंत वर्मा जी , JCP महासचिव भूषण साहू जी , सचिव देवेन्द्र नेताम जी उपस्थित रहिन।
